Ibex-en badakigu Ingalaterrako egonaldia behar bezalakoa izateko berebiziko garantzia duela harrera-familiaren kalitateak. Beraz, familiak hautatzeko irizpide zorrotzak jarraitzen ditugu, gure ikasleentzat ahalik eta ingururik onena aukeratzeko. Guretzat, harrera-familia on bat bere ikaslearekiko benetako interesa erakusten duena eta Ingalaterran egingo duen egonaldi laburra probetxuzkoa izan dadin ahalegintzen dena da. Mota ugaritako familiak ditugu. Hala ere, garrantzitsuena ikaslea ondo hartzeko borondatea izatea da, ikaslea ongietorria sentitu dadin.
Ondorengoa eskatzen diegu harrera-familiei:
- Ikaslea ongietorria sentitu dadin eta North Devon-en egiten duen egonaldia probetxuzkoa izan dadin ahal duten guztia egitea.
- Ikasleari logela bat ematea, berak soilik erabil dezan.
- Etxean beste ikasle kanpotarrik hartzen badute aurretiaz guri esatea, eta gazteleraz hitz egiten duen beste ikaslerik ez hartzea tarte berean.
- Ikaslearen hizkuntza-gaitasuna baxua den salbuespenezko egoeretan, IB-Ex-ek herritartasun bereko ikasle bi hartzea gomendatzen die harrera-familiei, ikasleen eta familiaren arteko komunikazio hobea sustatzeko.
- Ikasleari ostatatzea eta pentsio osoa eskaintzea (astegunetan bazkalordurako jana barne).
- North Devonera iristen diren egunean euren ikaslea jasotzea (Barnstaple-en) eta azken egunean itzulerako autobusera eramatea.
- Igandeetan ikaslearentzako “family day” antolatzea.
- IB-Ex-eko arduradunekin beharrezko komunikazioa izatea.
- Ikaslearentzako giro emozional atsegina sortzea eta komunikazioan laguntzea.
Zer espero dezakete familiek gugandik:
- Zerbitzu- eta babes-maila handia eskaintzea, edozein momentutan eta zernahi behar dutela ere. Hainbat begirale izaten ditugu eta haien lan bakarra ikasleak zaintzea da. Ib-Ex antolakuntzako edonorekin jarri daitezke harremanetan, eguneko 24 orduetan, eta hitza ematen dugu ez ditugula euren kasa lagako. Horren antolakuntza txikia izanik, gure ikasleak eta haien familiak pertsonalki ezagutzen ditugu.